Me mbylljen e kutive të votimit në Malin e Zi, partitë opozitare dhe partia pro-perëndimore e presidentit Milo Gjukanoviç janë në garë të ngushtë votash.
Në bazë të projeksioneve të para të publikuara nga Qendra për Kërkime Zgjedhore (CEMI), tre koalicionet opozitare kanë fituar 42 vende nga 81 të mundshme në parlamentin malazez.
Sipas CEMI, DPS e Gjukanoviç ka fituar 34.8% të votave dhe ka siguruar 29 mandate, 7 vende më pak se viti 2016.
Koalicioni opozitar “Për të ardhmen e Malit të Zi” llogaritet të ketë marrë 28 mandate ose 32.7% të votave. Për të formuar një shumicë qeverisëse, Fronti Demokratik, që përfaqëson kryesisht popullatën serbe dhe serbët ortodoksë në Malin e Zi, duhet të formojë një koalicion me partinë Partinë Demokrate që ka fituar 10 mandate dhe lëvizjen progresive URA që ka fituar 4 vende, sipas projeksioneve.
Partnerët në koalicion të DPS, Social Demokratët, pritet të fitojnë 3 vende, ndërsa partitë e minoritetit boshnjak dhe shqiptar pesë vende së bashku.
Deri tani partitë shqiptare kanë siguruar nga një mandat secili koalicion.
Presidenti Milo Gjukanoviç, që është gjithashtu lider i DPS, mbetet në pushtet pavarësisht rezultatit zgjedhor, pasi mandati i tij mbaron në vitin 2023.
