I këputi këmbën 30 vjeçares shtatzënë në Tiranë, makina luksoze drejtohej nga djali i ish-drejtorit të Policisë Erzen Breçani.
Një aksident i rëndë ndodhi pasditen e djeshme në rrugën “Xhanfize Keko” në Tiranë, ku një makinë përplasi një këmbësore, e cila po qëndronte në trotuar.
Burime për medie bëjnë me dije se autori i aksidentit është 19 vjeçari Jehon Breçani, i cili është djali i Erzen Breçanit, ish-drejtorit të Policisë së Shtetit.
30 vjeçarja e plagosur, e cila është edhe shtatzënë, u nis me urgjencë në spital, ku ndodhet në gjendje të rëndë shëndetësore.
