Skandali me tenderin 60 mln euro në Zimbabve, shpallet në kërkim ndërkombëtar biznesmeni shqiptarë

Aksioneri i kompanisë shqiptare që është përfshirë në skandalin për aferat korruptive në Zimbabve, Klodian Mërtiri, është shpallur në kërkim ndërkombëtar.
Sipas mediave ndërkombëtarë mësohet se kompania Drax International, me aksioner të vetëm Ilir Dedjan, i cili në të vërtetë është Klodian Mërtiri, një shqiptar me pasaportë italiane të cilës qeveria e Zimbabvesë i akordoi tenderin me vlerë 60 milionë dollarë për pajisje mjekësore pasi ka lidhje të përafërta me djalin e Presidentit të Zimbabvesë.
Pas zbulimit të kësaj afere është arrestuar ministri i Shëndetësisë në Zimbabve, Obadiah Moyo, i cili pas dhënies së garancisë pasurore në Gjykatë është liruar me kusht. Hetimet po vijonë edhe pse ministri është liruar, por mësohet se ai do të përballet me gjykatën sërish në 31 korrik, pasi kundër tij janë ngritur disa akuza.
ROLI I MINISTRIT DHE LIDHJA ME PRESIDENTIN
Ministri i Shëndetësisë i Zimbabve, Obadiah Moyo, akuzohet për aferë të paligjshme për faktin sepse i ka dhënë pa garë, tenderin e majmë kompanisë së Klodian Mërtirit (Ilir Dedjas). Minsitri Moyo ka miqësi dhe me presidentin, Emerson Mnangagva.
Por Mërtiri përveç lidhjes me minsitrin e Shëndetësisë ai ka dhe miqësi me Dalish Nguvaya, që është djali i Presidentit të Zimbabve. Nguvaya është dhe administratori i kompanisë së Mërtirit në Zimbabve dhe ka lidhjet si djali i presidentit për të përfituar tenderin e majmë. Burimi dosja,al Pershtati: DdVm