Vendimi i Edi Ramës për ndryshimin gjatë rrugës të sistemit me të cilin do të shkohet në zgjedhjet e radhës, edhe pas përmbylljes së një marrëveshjeje që nuk e përfshinte një gjë të tillë, duket se nuk ka mbështetje të gjerë në partinë socialiste, madje as të përfaqësueit të saj në tryezën e reformës zgjedhore, Damian Gjiknuri.
Nuk dihet nëse Edi Rama dhe Taulant Balla, janë konsultuar me Damian Gjiknurin, përfaqësuesin e tyre në tryezën e Reformës Zgjedhore, para se të deklaronin vendimin e maxhorancës për t’iu kthyer listave të hapura, duke zhbërë marraveshjen e 5 qershorit të arritur në këshillin politk. Nëse do t’iu referohemi deklaratave të prera të Gjiknurit, të vetëm pak javëve më parë, në përgjigje të asaj opozite që e njeh për të tillë në Kuvend, ai duket i pozicinuar në ekstremin tjetër të qëndrimit të një dite më parë të kryeministri Rama, kur deklaroi se partia që drejton mbeshtet variantin e listave të hapura në zgjedhjet ardhshme.
Po të hapim lojën e sistemit, në ato mënyra që themi, ne do të shpërbëjmë Kushtetutën e Shqipërisë.
Nëse hapim lojën e sistemit, që nuk po them se s’ka ardhur momenti që ta hapim tani, ne nuk mund ta zgjidhim dot tani.S’mund të zgjidhet kjo kur gjysma e elektoratit është në rrugë, kur një pjesë tjetër këtu dua sepse “unë kam votat, do të të bllokoj”, nuk zgjidhet, do klimë të qetë ajo.
Bëhet fjalë për themelet e Republikës sonë, shprehej Gjiknuri ne 21 maj.
Por ajo cka deklaroi Rama ditën e premte, e bën të duket edhe Gjiknurin opozitar
´Ne kemi vendosur që të mbështesim si PS hapjen e listave dhe t´i japim mundësi çdo zgjedhësi të zgjedhë subjektin politik dhe të shpreh preferencën e tij për deputetin e përfshirë në listën e subjektit ” u shpreh Rama.
Sekretari i Përgjithshëm i PD Gazmend Bardhi e justifikon këtë vendim të papritur të Edi Ramës, me frikën dhe tmerrin që e ka mbërthyer nga ndryshimi i pandalshëm që po vjen. “Rama ka vetëm hallin e tij dhe të një grushti oligarkësh e kriminelësh që e sollën dhe e mbajnë në pushtet”, thotë Bardhi.
