Pogradec: Transportonin emigrantë të paligjshëm me Rang Rover, arrestohen tre autorë

Tre persona janë arrestuar në flagrancë, në Pogradec, pasi u kapën duke transportuar kundrejt fitimit 9 emigrantë të paligjshëm.
Në pranga ranë, 38 vjeçari me iniciale L. P., 20 vjeçari F. F., dhe 26 vjeçari K. Gj., banues në Shkodër.
Ata janë kapur duke transportuar në drejtim të Tiranës me mjetet tip “Volkswagen Touareg” dhe “Range Rover” nëntë emigrantë të paligjshëm, të cilëve kundrejt fitimit iu kishin premtuar kalimin drejt vendeve të BE-së.
Materialet i kaluan Prokurorisë të Rrethit Gjyqësor Pogradec për veprën penale “Ndihma për kalim të paligjshëm të kufijve, kryer në bashkëpunim”.