Përmbushet profecia, si e paralajmëroi Albin Kurti 6 vite më parë Thaçin

Gati sikur të ishte një lloj profecie po vërtetohen fjalët e Albin Kurtit këtu e gjashtë vite më parë në Kuvendin e Kosovës, gjatë seancës kur po miratohej ligji për ngritjen e Gjykatës Speciale. Asokohe Hashim Thaci ishte Kryeministër. Kurti pati deklaruar se Thaci ishte në mbështetje të Gjykatës Speciale sepse kishte marrë garanci që nuk do të përfundonte vetë në të. Vetëm në këtë mënyrë sipas Kurtit, Thaci e lejoi ngritjen e tribunalit. “Nëse ka ndonjë mik që mund t’i shërbejë Kosovës, duhet t’i thotë Kryeministrit (Thacit) që edhe ky vetë do të përfundojë në Gjykatën Speciale”, shprehej Albin Kurti 6 vite më parë.