Organizata Botërore e Shëndetësisë ka shprehur shqetësimin e saj se në rajonin e Ballkanit po shihet një trend shqetësues.
Kreu i programit të emergjencave në OBSH, Mike Ryan tha se situata është shqetësuese në Ballkanin Perëndimor.
“Megjithëse në Europën Perëndimore, sëmundja është vënë nën kontroll, ne kemi akoma një trend shqetësues në Europën Jugore dhe në Ballkan, kështu që nuk kemi dalë akoma nga pyjet në mjedisin evropian. Kjo kërkon vigjilencë të vazhdueshme”, tha Ryan.
Deklarata e tij vjen në kohën kur në botë janë konfirmuar 15 milionë raste me koronavirus.
Numri i rasteve mund të jetë shumë më i madh për shkak të mungesës së testimeve.
