Zgjedhjet në Universitet ishin një ”cirk“ ku pjesë e këtij cirku ishin dhe studentët.
Data 30 Korrik na rikujton dhe njëherë cirkun qeveritar. Studentët u bën pjesë e kësaj loje të ndyrë pa dëshirën e tyre. Përpara se të bëheshin zgjedhjet në telefonat e studentëve mbërrin një mesazh ose më saktë një urdhër, ku në mënyrë të prerë jepet emri që fiton garën, kjo me siguri ishte urdhër qeveritar. Ndër të tjerat thuhej se ju student do të shkonit të votoni dhe do të shtirenit sikur nuk jeni në dijeni të situatës. Në 30 Korrik, në mëngjes, në këtë Universitet, shkojnë për të votuar studentët. Sot doli rezultati i shumë pritur, ku në krye të fronit qëndronte po i njëjti aktor cirku që ishte dhe para zgjedhjeve. Ky Rektor e do kaq shumë studentin e tij aq sa Edi Rama popullin e tij. Madje gjen guximin t’i falenderoj për faktin që nuk patën guxim t’i kundërvihen. Më vjen keq për studentët fatkeq që nuk mundën me bërë zgjedhjen e duhur. Më vjen keq që për 4 vite, jeta studentore e tyre do të jetë po e njëjta, pa perspektiv, pa kurajo. Ndjej trishtim për këtë aktor cirku me emrin Rektor që do drejtojë këta studentë pa perspektiv vetëm e vetëm që t’i pëlqej KM tonë dhe për të qëndruar butë në atë karrige ku ndodhet sot. Thonë që kur nxehesh nga të ndenjurat, ftohesh nga mendtë. Mua më duket se ti i nderuar Rektor je ftohur nga të dyja anët. Zoti past mëshirë për ju.
