Sot finalja e Miss Universe, kush është 23-vjecarja që përfaqëson Shqipërinë!
Nata finale e Miss Universe 2020 do të mbahet sonte. Edicioni i 69-të i konkursit të bukurisë do të mbahet në Florida, SHBA. Një nga 73 Miss-et kombëtare do të kurorëzohet Miss Universe. Shqipëria do të përfaqësohet nga Paula Mehmetukaj, e reja e cila në 2020 u shpall më e bukura e Shqipërisë. 23-vjecarja do të sfilojë me dy veshje në skenën e madhe. Me një veshje me motive tradicionale, stiluar nga Enada At Nikolla.
“E kuqe si gjaku që përshkon venat, e qëndisur me gurë të kuq kristali nga thesaret tona nëntokësore, kjo veshje është flamuri dhe unë jam shqiponja që hap krahët e saj dhe fluturon sa më lart me gjithë krenarinë shqiptare për të përfaqësuar vendin e saj dhe për t’i treguar botës se ashtu si shqiponjat, ne ngrihemi lart dhe thyejmë të gjitha barrierat dhe kufijtë!”, shkruan modelja në instagramin e saj.
Veshja e dytë mban firmën e Valdrin Sahitit.
“Kaq ëndërrimtar, magjik, duket sikur jeton në një përrallë dhe je mbuluar me pluhur zanash kur e vesh dhe kurrë nuk dëshiron ta heqësh”, shkruan Memetukaj.
Kush është Paula Mehmetukaj?
23-vjecarja është një aktiviste, për të drejtat e grave, mbrojtjen e mjedisit dhe kafshëve. Ajo vijon studimet në master për administrim biznesi., dëshira e saj është të bashkëpunojë me një kompani ndërkombëtare të modës në të ardhmen. Ndërsa ëndrra e saj është të jetë një personalitet televiziv.