Albin Kurti drejt fitores historike: Të gjitha exit pollet e nxjerrin me më shumë se 55 ulëse në Kuvend
Mbyllja e votimit në Kosovë ka sjellë edhe publikimin e exit-polleve nga disa organizma sondazhi, të cilat parashikojnë fitoren e thellë të Vetëvendosjes.
Albin Kurti, sipas këtyre parashikimeve, ka arritur të marrë më shumë se 56% të të gjithë votave të shqiptarëve, që i bie një rezultat historik.
Bëhet fjalë në nivelin e 800 mijë shqiptarëve të kenë votuar ‘Vetëvendosjen’, çka është një referendum i përmasave të thella.
E sipas këtij rezultati me mbi 55 vende në Kuvendin e Kosovës, do t’i takojnë Lëvizjes Vetëvendosje, çka menjëherë pa asnjë ngurim, Albin Kurti mund të nisë menjëherë qeverinë e re, sapo të marrë mandatin nga ushtruesi i detyrës së Presidentit të Republikës. Këto parashikime janë pasojë e exit polleve pa votat me postë që kanë ardhur nga diaspora.
Kjo pjesë nuk është sonduar. Ka gjasa që diaspora të sigurojë deri në 5 deputetë të tjerë, çka mund të arrinte Vetëvendosa edhe numrin e 60 deputetëve.
‘Vetëvendosjes’ i duhen vetëm 10 vota të minoriteteve jo serbe për të pasur një mazhorancë të fuqishme prej 65 vendeve, nga 120 që ka në total Kuvendi i Kosovës. Albin Kurti e ka bërë të qartë se nuk do të përfshijë Listën Serbe në qeverinë e tij.
Këtë e vërtetoi edhe një vit më parë, kur formoi qeverinë së bashku me LDK-në, ku emëroi dy serbë si anëtarë të qeverisë, por asnjëri prej tyre nuk ishte pjesëtar i Listës Serbe.
Kjo e fundit ishte një aleate e elitës së vjetër për të rrëzuar qeverinë Kurti dhe më pas u bë pjesë themelore e qeverisë së Avdullah Hotit, ku zv.kryeministër ishte shefi i listës serbe dhe kreu i pjesës së ndarë të Mitrovicës, Goran Rakiç.
