Në Shkodër, lideri demokrat ka caktuar Helidon Bushatin, ndërsa në Fier do të jetë Enkelejd Alibeaj. Bushati u prezantua pasditen e djeshme në Shkodër nga sekretari i përgjithshëm i PD-së, Gazment Bardhi.
Ish-deputeti i PD-së, Helidon Bushati në 2017 pranoi që të largohej nga lista e Shkodrës. Ai sot është anëtar i Autoritetit të Konkurrencës, por Lulzim Basha e rikthen duke i besuar “timonin” e fushatës në kryeqendrën e veriut. Përballë tij do të jetë Ilir Beqja, që është caktuar nga socialistët në Shkodër.
Sot do të prezantohet Alibeaj në Fier, i cili është ish-deputet i kësaj force politike dhe ministër Drejtësie, ish-kandidat për kryetar bashkie në zgjedhjet vendore të 2015 dhe drejtues politik në zgjedhjet e 2017.
Në Vlorë do të jetë drejtues politik, Bujar Leskaj. Alibeaj spikati për nje fushatë korrekte gjatë kandididimit të tij nga PD-ja për kreun e bashkisë së Fierit.
