“Do ta pres gjuhën kur të dalim jashtë”/ Tensione pas rinumërimit të votave, kërcënohet vëzhguesi i PD-së
Eshte mbyllur procesi i rinumërimit të votave për subjektet për qarkun e Beratit, por vetëm për 114 kuti votimi. Edhe pse LSI mori disa vota plus nga ky numërim ajo nuk arriti të merrte dot një mandat në këtë qark. Por mësohet se edhe gjatë procesit të rinumërimit të votave ka patur përplasje mes përfaqësuesve të PD dhe vëzhguesve nga PS. Bëhet me dije se mes përfaqësuesit të PD, Marash Logu dhe vëzhgueses së PS, kryetare e njësisë administrative nr.2 në Berat, Joana Melengu ka patur tensione të ashpra. Logu kërkoi që anëtarët të kishin ndërprerë numërimin.
Ndërsa ishte relatori i mbledhjes, Elvis Cefa ai që u përpoq të ulte gjakërat duke thënë se nuk do lejonte të flitej me gjuhë të ashpër në mbledhje, teksa kërkoi të vihen në dispozicion kamerat. Nesër në orën 17:00 do KAS do të mblidhet sërish. Marash Logu denoncoi vëzhguesen e PS Joana Melengu, se kishte kërcënuar vëzhguesin e PD, duke i thënë “do ta pres gjuhën, ta shohim kur të dalim jashtë”.
Marash Logu:
Do ta presim gjuhën se do të merremi vesh kur të dalim jashtë tha Joana Melengu. Kërcënoi vëzhguesen tonë. Kjo shtetase duhet të ishte në burg, por ishte sot në sallën e rinumërimit të votave. Nëse për PS është një ngjarje e pranueshme,për ne është e papranueshme. Kjo është një situatë alarmante. Ky rast do të denocohet ne polici dhe prokurori. Më 20 prill 2021 u kap në flagrancë duke ndarë ndihma ushqimore në këmbim të votës. Me paturpësi, në shkelje flagrante të ligjit, shantazhon e kërcënon një vëzhgues të PD. A e kuptoni zotërinj çfarë po ndodh këtu?
