‘𝐌𝐞𝐬 𝐁𝐚𝐬𝐡𝐞̈𝐬 𝐝𝐡𝐞 𝐌𝐞𝐭𝐞̈𝐬 𝐳𝐠𝐣𝐞𝐝𝐡 𝐌𝐞𝐭𝐞̈𝐧 𝐊𝐑𝐘𝐄𝐌𝐈𝐍𝐈𝐒𝐓𝐄̈𝐑’, 𝐋𝐞𝐟𝐭𝐞𝐫 𝐌𝐚𝐥𝐢𝐪𝐢: 𝐄 𝐬𝐡𝐨𝐡 𝐯𝐞𝐭𝐞𝐧 𝐬𝐢 𝐤𝐚𝐧𝐝𝐢𝐝𝐚𝐭 𝐦𝐞𝐬 𝐏𝐃-𝐬𝐞̈ 𝐝𝐡𝐞 𝐋𝐒𝐈-𝐬𝐞̈, 𝐑𝐚𝐦𝐚 𝐝𝐨 𝐭𝐚 𝐦𝐚𝐫𝐫𝐞̈ 𝐧𝐝𝐞̈𝐬𝐡𝐤𝐢𝐦𝐢𝐧 𝐧𝐞̈ 𝐁𝐞𝐫𝐚𝐭
Deputeti Lefter Maliqi, i cili është pjesë e opozitës në parlament ka deklaruar në një intervitë se do të zgjidhte Ilir Metën si kryeministër para kreut të PD-së , Lulzim Basha.
Ai është shprehur në një intervistë për Report Tv se e sheh veten si kandidat për deputet në zgjedhjet e ardhshme mes PD-së dhe LSI-së, ndërsa ka thënë se asnjë prej deputetëve të opozitës së re nuk i sheh si deputetë të ardhshëm.
“Mes Bashës dhe Metës, unë zgjedh presidentin aktual si kryeministër. LSI është vendimtare për qeverisjen. Forcat e reja politike kanë shumë pak mundësi të marrin mandate. Për opozitën e re kam vlerësimet dhe rezervat e mia sepse pjesa më e madhe janë të përdorur. Për zonjën Hajdari kam respekt për shkak se është vajza e të ndjerit Azem hajdari.
Jam i bindur se nga opozita e re nuk shoh ndonjë deputet të ardhshëm. 70% unë do të jem deputet por mbetet në dorën time, pasi elektorati do që unë të jem deputet. Me votat e mia partitë kanë fituar në Berat. Kam dëshirë që të jem deputet mes PD-së dhe LSI-së, por nuk përjashtohet mundësia të jem në ndonjë forcë tjetër të opozitës së bashkuar. Me këdo që do të jem unë do të kthehet rezultati.
Rama e di edhe vete që ka gabuar me mua dhe do të marrë ndëshkimin më të rëndë në qarkun më të majtë të Shqipërisë, në Berat. Unë jap dorëheqjen nëse Rama nuk humb në Berat”, ka thënë Maliqi.