Prej ditësh Britania e Madhe ka marrë masa shtrënguese për shkak të këtij versioni të ri të Covid-19, pasi siç deklaroi edhe vetë kryeministri Boris Johnson, është 70% më i transmetueshëm se sa llojet ekzistuese dhe se ka marrë një ‘hov’ të madh infektimesh në Londër dhe në të gjithë Anglinë e Jugut.
Mutacioni i ri i Covid-19 ka vënë në alarm të gjithë europën. Mbretëria e Bashkuar është kthyer në Wuhanin e Kinës të pothuajse një viti më parë, vend që është cilësuar si vatra e Covid-19 në fazën e tij fillestare. Prej ditësh Britania e Madhe ka marrë masa shtrënguese për shkak të këtij versioni të ri të Covid-19, pasi siç deklaroi edhe vetë kryeministri Boris Johnson, është 70% më i transmetueshëm se sa llojet ekzistuese dhe se ka marrë një ‘hov’ të madh infektimesh në Londër dhe në të gjithë Anglinë e Jugut.
Kjo fazë e re ka sjellë edhe ndalimin e fluturimeve kundrejt Anglisë nga vendet e Europës, si Gjermania, Holanda, Belgjika kanë ndaluar fluturimet me Britaninë e Madhe.
Por, çfarë dimë aktualisht për mutacionin e ri të Covid-19?
Kryeministri i Mbretërisë së Bashkuar Boris Johnson tha se nuk ka asnjë provë të siguritë që tregon se është më vdekjeprurës ose shkakton simptoma më të rënda, ose që vaksinat do të jenë më pak efektive kundër saj.
Mutacionet e virusit nuk janë të pazakonta, dhe shkencëtarët tashmë kanë gjetur mijëra mutacione të ndryshme midis mostrave të koronavirusit, por shumica e këtyre mutacioneve nuk kanë pasur ndonjë ndryshim të madh me atë fillestar, ndryshe nga ky i fundit.
Kur lloji i ri i Mbretërisë së Bashkuar u shfaq për herë të parë javën e kaluar, zyrtarët shëndetësorë po debatonin nëse përhapja e shpejtë e virusit ishte për shkak të pakujdesisë apo për shkak të ndonjë ndryshimi të vetë Covid-19. Shkencëtarët zbuluan se lloji i ri është, dukshëm më i transmetueshëm por nuk çon në një rritje të rasteve me simptoma të rënda apo të shkaktojë efekte anësore më serioze.
Studiuesit ende po vlerësojnë nëse ky mutacion do të do të jetë pak apo shumë ‘pranues’ i vaksinave që aktualisht janë prodhuar dhe po shërndahen, por ende nuk ka asnjë përfundim zyrtar. Autoritetet shëndetësore kanë thënë se nuk ka gjasa që mutacioni të pengojë efektivitetin e vaksinave.
Richard Neher i Universitetit të Bazelit në Biozentrum në Zvicër dhe Andreas Bergthaler nga Akademia Austriake e Akademisë së Shkencave (CeMM) në Vjenë kanë thënë se vaksinat gjenerojnë një përgjigje imune kundër disa karakteristikave të virusit në të njëjtën kohë. Prandaj, edhe nëse një nga ato karakteristika ndryshon, sistemi imunitar do të ishte përsëri në gjendje të njohë patogjenin dhe të mbrojë marrësin e vaksinës.
Për këtë artikull u përdorën materiale nga: DW, AP, AFP
