I infektuar me koronavirus, ndërron jetë zyrtari i PS-së.
Koronavirusi i ka marrë jetën zyrtarit të Partisë Socialiste, Ndue Ndoci.
Lajmin e hidhur e kanë bërë me dije miqtë dhe kolegët e tij me anë të postimeve në rrjetet socialite.
Kreu i Komisionit Parlamentar të Ligjeve, Ulsi Manja ka bërë një postim në rrjetet sociale, për të ndjerin Ndue Ndoci.
“E deshe jetën dhe luftove deri në fund si burrat! Si duket Zoti i do njerëzit e mirë pranë vetes. Lamtumirë miku im Ndue Ndoci,” shkruan Manja në postimin e tij.
Ndue Ndoci ka mbajtur disa funksione në disa institucione shtetërore.