Ka përfunduar procesi i votimit në Serbi. Qytetarët serbë iu drejtuan sot kutive të votimit, teksa në vend u mbajtën zgjedhjet parlamentare dhe lokale.
Procesi u mbyll zyrtarisht në 20:00 dhe rezultatet e para paraprake të zgjedhjeve pritet së shpejti.
Alternativa Demokratike Shqiptare ka fituar 4 ulëse në zgjedhjet parlamentare të Serbisë, bëhet e ditur sipas rezultateve preliminare.
Shqiptarët garuan në një listë të përbashkët në zgjedhjet e 21 qershorit pasi u arrit konsensusi politik mes partive në Luginë të Preshevës dhe Medvegjë.
Rezultati u arrit përkundër faktit që disa shqiptarë të Luginës nuk u lejuan të votojnë, raportojnë mediat.
Partia e Aleksandar Vuciç, SNS ka fituar 63.4% të votave dhe ka arritur një fitore bindëse në zgjedhje. Parashihet që SNS të kenë 180 ulëse.
SPS e Ivica Daçiç merr 30 mandate, ajo e ish-sportistit Aleksandar Shapiç 11 mandate, etj.
Ndërkohë votimi për zgjedhjet parlamentare në Serbi është mbajtur edhe në komunat me shumicë serbe në Kosovë. Sipas OSBE’së, që ka monitoruar këto zgjedhje, mbi 55 mijë votues kanë ushtruar të drejtën e tyre për votë në Kosovë.DdVm
