Zbardhet vdekja tragjike e binjakëve në Berat

Zbardhet pas shume muajsh vdekja tragjike e binjakeve 5 muajshe në Berat. Këtë të hënë prokuroria e Rrethit Gjyqësor berat ka nxjerre përgjigjet e analizave baktereologjike, fizike e kimike të vdekjes së dy foshnjeve 5-muajshe, ngjarje që ndodhi në Janar të këtij viti.
Sipas përgjigjes shkak u vdekjes ka ardhur nga mungesa e ajrit në dhomë.
”Sipas analizave,në organizmin e fëmijëve nuk kanë rezultuar mbetje toksike,ndërkohë që edhe qumështi me kuti që përdorej për të ushqyer fëmijët nuk ka pasur në përbërjen e tij elementë toksikë. Sipas analizave të kryera në Institutin e Mjekësisë Ligjore në Tiranë dhe që tashmë kanë mbërritur zyrtarisht pranë institucionit të Prokurorisë së Beratit,ka rezultuar se,vdekja e dy foshnjeve 5-muajshe ka qënë aksidentale dhe ka ardhur për shkak të asfiksimit nga mungesa e ajrit. Mbulimi i tepërt i fëmijëve me batanije,pas ushqyerjes së tyre ka sjellë-sipas ekspertëve-asfiksimin e foshnjeve dhe vdekjen e tyre”.
Ngjarja e rëndë ndodhi mëngjesin e 26 Janarit të këtij viti në lagjen “Uznovë” në qytetin e Beratit. Nëna e foshnjeve 5-muajshe Merushe Agalliu,pasi kishte ushqyer fëmijët e saj binjakë me qumësht kutie,i kishte vendosur ata në krevatin e tyre për të fjetur. Foshnjet kanë mbërritën pa shënja jetë në Spitalin Rajonal të Beratit.
Prindërit Eduart e Merushe Agalliu kanë pasur asokohe dyshime se, vdekja mund të kishte ardhur për shkak të helmimit të qumështit me kuti që përdornin për ti ushqyer fëmijët që nga dita e tyre e lindjes.D.D.