Zbardhet atentati në Laç

Zbardhet atentati I 30 Majit në në Laç, ku grupi i vrasësve me pagesë ekzekutoi biznesmenët në hotelin A&A në autostradën Laç-Mamurras,
Pas identifikimit dhe kapjes së autorit, u zbardhë dhe dinamika e ngjarjes. Eduart Lamaj korruptoi me 10 mijë euro kirurgun e Ushtarakut dhe ortopedin për t’i operuar këmbën e infektuar pasi ngeli I plagosur gjatë atentatit ku humbën jetën Bujar Lika dhe Paulin Gjergji. Autori Eduart Lamaj, 30 vjeç, ishte I paskeduar më herët nga policia e Shtetit.
Ai dyshohet se është atentatori kryesor, që i veshur me jelek “POLICIA“, mbrëmjen e 30 majit 2020, në orën 21:50, i shoqëruar bashkë me 3 persona të tjerë, zbriti nga një automjet tip “BENZ” i zi dhe me një kallashnikov në krah, qëlloi me breshëri kundrejt dy viktimat.
Plumbi i lëshuar si kundërpërgjigje nga Bujar Lika, e zuri autorin në këmbë. Menjëherë pas këtij momenti, ai ra përtokë ku filloi sërish të gjuante duke lenë të vdekur në vend Likën, e duke plagosur rëndë Paulin Gjergjin, i cili ndërroi jetë më vonë në spital. Me t’u larguar, për 3 javë, askush nuk mori më informacion për Eduart Lamajn. Policia e Shtetit u fokusua tek 20-vjeçari Kreshnik Tusha.
Ai u njoh si atentatori, pasi për “fatin e tij të keq”, i riu shkoi në spitalin e Lezhës i plagosur natën e vrasjes. Kjo ngjalli menjëherë dyshimet se ai kishte hequr rrobat “policia” dhe kishte shkuar të kurohej në spital. Por në fakt, duket se “ujku” flinte gjetiu. Ende është i paqartë roli i Kreshnik Tushës në këtë ngjarje, ndërsa autori tashmë ka pranuar gjithçka.20-vjeçari Kreshnik Tushe, dyshohet se u plagos në një rrugice, pasi autorët e atentatit pas largimit nga hotel A&A ku morën të plagosur ekzekutorin Eduart Lamaj, menduan se Tushe iu kishte bërë pritë, prandaj e qëlluan.
Eduart Lamaj, ka qendruar i plagosur, me plagën e infektuar, i fshehur në banesën e tij në Mamurras, ndërsa vetëm 3 ditë më parë ai ka nxjerrë këmbën jashtë banese.
Familjarët e tij e dërguan tek ortopedi nga Lezha, Viktor Marku, 42 vjeç. Ky i fundit duke e parë gjendjen e rëndë të të riut, ra dakord që ta operonte fshehurazi pa e marrë vesh policia në një klinikë private në zonën e “Qytet Studenti” në Tiranë.Dd