Enigma më e madhe e spiunazhit të Luftës së Dytë Botërore. Për herë të parë historia e vërtetë mbi agjentin e famshëm shqiptar, Iljaz Bazna, sipas arkivave sekrete britanike.
Në ambasadën e Britanisë së Madhe në Turqi, një shërbëtor kalon para ambasadorit të përgjumur, hap çantën e tij dhe nxjerr dokumente me shënimin “Top Secret”. Janë procesverbalet e konferencës strategjike të Aleatëve në Teheran. Në dhomën ngjitur, ai fotografon një nga një dokumentet dhe të nesërmen në mbrëmje i jep dy filma një agjenti gjerman…
Përsëri një roman i zakonshëm? Aspak! Kjo është një histori e vërtetë, çështja më e madhe e spiunazhit të Luftës së Dytë Botërore.
Kush ishte Ciceroni? Çfarë dokumentesh u dha ai gjermanëve? Çfarë bëri Hitleri me to? A ishte Ciceroni një agjent i dyfishtë? Çfarë ka të vërtetë në filmin e famshëm të Mankiewicz dhe në kujtimet e protagonistëve të kësaj çështjeje?
Për herë të parë, falë arkivave të Shërbimeve Sekrete Britanike, François Kersaudy u përgjigjet këtyre pyetjeve dhe jep fjalën e fundit për këtë enigmë të pabesueshme.
ÇËSHTJA CICERON – 1943
Autor: François Kersaudy
Përkthyese: Irena Barjami
Botues: BOTART
Numri i faqeve: 180
Çmimi: 700 lekë. (Pershtati per newsalbania.al D.D)
