Vrasja e Eglantinës, e ëma tregon takimin e fundit: Para 8 vitesh erdhi te shtëpia e vëllait, qëndroi 2 ditë me mua, pastaj s’e pashë më
Nëna e Eglantina Bucit, Nafije Buci ka folur për vrasjen e vajzës së saj, nga babai dhe vëllai, Faiku dhe Shkëlzeni në vitin 2012, ngjarje e zbardhur 8 vite më vonë.
Ajo ka folur për report tv, dhe ka deklaruar se reth viteve 2003-2004 ka qenë kontakti i fundit që ka pasur me Eglantinën.
23 vjeçarja ka shkuar në shtëpinë e dajës, ku jetonte e ëma, dhe ka qëndruar 2 ditë me të. Pas atij takimi s’e ka parë më.
“Prej vitesh banoj me vëllanë Xh.D në Laknas të Tiranës. Jam divorcuar nga ish-burri Faiku që në vitin 1990. Me Faikun kam 4 fëmijë, Shkëlzen Buci,Elona Buci, Eglantina Buci dhe Ardjan Buci, i cili ka vdekur në vitin 2017 nga një sëmundje e rëndë.
Pas divorcit kam marrë mbiemrin e vajzërisë. Fëmijët kanë qenë në kujdestarinë e Faikut. Djali Shkëlzen Buci, ndodhet në burg prej vitit 2017, për vrasje, por nuk di më shumë për të.
Vajza Elona Tufa Buci është e martuar dhe banon me familjen e saj në Babrru. Për vajzën tjetër, Eglantina Buci, nuk kam asnjë dijeni prej më shumë se tetë vjetësh, diku nga viti 2011-2012.
E kam takuar për herë të fundit para rreth 8 vjetësh, kur Eglantina erdhi tek shtëpia në Laknas dhe ka qëndruar për dy ditë. Nuk e di se ku ndodhej Eglantina dhe çfarë bëhet me të. Kam folur dhe me vajzën tjetër Elonën, por sërish edhe kjo e fundit nuk ka qenë në dijeni për fatin e motrës së saj”, ka thënë nëna.