Vlorë: Kapet gomonia e drogës, autorët i lënë policisë “çelësat”e motorit, në drejtim të paditur droga dhe autorët

Është kapur mjeti lundrues i cili ishte ne ndjekje nga policia që prej orës 7:00 të mëngjesit, pasi dyshohej se transportonte drogë.
Mësohet se pakot që dyshoheshin me lëndë narkotike janë hedhur në det nga personat që ndodheshin në mjetin lundrues.
Sipas informacioneve,  bëhet me dije se skafistët janë larguar. Ndërkohë po vazhdon kontrolli nga toka. Te gjitha forcat kane rrethuar zonen dhe po vazhdojne kontrollin.
Policia deklaroi më herët se mjeti po bënte manovra të dyshimta në afërsi të ishullit të Sazanit, gjë e cila bëri që autoritetet të shkojnë për ta ndaluar.
Por, sapo drejtuesit e mjetit lundrues kanë kuptuar se drejt tyre është nisur policia, janë larguar me shpejtësi.
Ky aksion po zhvillohet në kuadër të bashkëpunimit të, Policisë Kufitare Vlorë me shërbimet e DVP Vlorë, Delta Force, Roja Bregdetare Vlorë dhe Guardia di Finanza./