Në nder të 164 infermierëve që humbën jetën në betejën kundër COVID-19, kolegët bëjnë gjestin e jashtëzakonshëm.
Një grup inferemierësh u mblodhën para Shtëpisë së Bardhë për të kujtuar kolegët e tyre të cilët humbën jetën si pasojë e COVID-19.
Në shenjë simbolike, ato vendosën 164 palë këpucë para Shtëpisë së Bardhë, për të rikujtuar çdo infermier që ka humbur jetën teksa punonte në luftën kundër COVID-19.
Në një intervistë me CBSN të martën, Presidenti i Infermierëve, Jean Ross tha se shumë njerëz i kanë quajtur infermierët “heronj” gjatë pandemisë, dhe tha: “Heronjtë tuaj nuk duhet të jenë të disponueshëm. Ne nuk jemi të shpenzueshëm”.
“Ne po sëmuremi. Ne po vdesim së bashku me punonjësit e tjerë të kujdesit shëndetësor. Ka gjëra që qeveria jonë mund të bëjë. Kjo është një gjendje kritike,” tha një infermiere.
Infermierët me NNU, një bashkim mbarëkombëtar i infermierëve të regjistruar, jo vetëm që u mblodhën në Kapitol për të kujtuar jetët e humbura, por edhe për të kërkuar më shumë vëmendje nga qeveria.
Grupi po kërkon që Senati të miratojë Aktin HEROES, i cili do të sigurojë pajisje të nevojshme personale mbrojtëse (PPE) dhe mbrojtje rregullatore për punonjësit e kujdesit shëndetësor të vijës së përparme, sipas një njoftimi për shtyp nga NNU.
