Veliaj i lindë dielli në perëndim (fotolajm)

Kreu i bashkisë së Tiranës, Erion Veliaj publikoi një ditë më parë një foto nga kryeqyteti. Plot ngjyra, pastërti dhe rregullsi, këtu u shfaq bulevardi “Dëshmorët e Kombit” dhe një pjesë e qendrës së kryeqytetit.
Si zakonisht edhe në këtë foto ka “futur duart” një montazhiner. Ai është përpjekur për ta bërë sa më perfekte këtë pamje të Tiranës, por dielli e ka nxjerrë “zbuluar”. Siç shihet qartë edhe në foto, dielli paska lindur në veri-perëndim. Ndërkohë që realisht dielli është i pozicionuar nga krahu i godinës së kryeministrisë. Këtë e tregojnë qartë edhe hijet e pemëve që bien mbi bulevard.
Veliaj nuk ka kushtuar rëndësi këtij detaji, por menjëherë e ka publikuar foton në rrjetet sociale. Nga ana e tij nuk ka munguar edhe një emoji në formë zemre.