Ish-kyeministri Sali Berisha ka ironizuar videon e publikuar në rrjetet sociale ku kreu i Partisë SocialDemokratie, Tom Doshi dëgjohet të flasë për arsimimin e tij.
“Mos u shqetëso për universitetet e mia, se kam mbaruar për Financë, për Biznes, për … Kam mbaruar shkollën ushtarake që drejtoj tërë këtë popull!”- dëgjohet të thotë Doshi në videon në fjalë e cila është bërë virale.
Këtë video, Berisha e ka postuar në profilin e tij në Facebook dhe ka vendosur që të pyesë ndjekësit e tij.
“Miq të dashur, një pyetje për ju: Cili është më i shkolluar? Toma me tre-katër diploma apo Edvini me një diplomë me mik si mësues vizatimi?!”– shkruan me ironi Berisha