Deklarate e Unionit te Gazetareve Shqiptare
Ndalimi i raportimit te drejteperdrejte dhe shoqerimi i gazetarit Xhoi Malësia eshte rast dhune policore
Tirane me 10.12.2020
Unioni i Gazetareve Shqiptare reagon ndaj ndalimit per raportim te drejteperdrejte, dhunes fizike dhe ndalimit te gazetarit Xhoi Malësia gjate mbremjes se dates 10.12.2020 nga efektive te Komisariatit Nr 2 te Drejtorise se Policise se Shtetit, qarku Tirane.
Ky akt i dhunshem, cenon rende gazetarin ne detyre dhe ekspozon nje realitet te papranueshem ne marredhenien mes policise se shtetit dhe gazetarit ne detyre.
Unioni i Gazetareve Shqiptare shpreh solidaritetin e plote me kolegun Malësia dhe gjithe gazetaret e ndodhur gjate oreve te ndalimit prane Komisariatit te policise.
UGSH denon veprimet arbitrare te grupit te policeve qe ndaluan dhe shoqeruan kolegun ne detyre, si dhe urdherdhenesit e tyre. Organizata jone shpreh shqetesimin publik per episode te tilla te shtuara ne praktiken raportuese te gazetareve ne terren, si dhe keqardhjen e heshtjes se autoriteteve te larta te Policise se Shtetit. Kerkojme venien para pergjegjesise te personave me uniforme qe privojne gazetarin nga e drejta e ushtrimit te detyres.
Raste te tilla te paraprira nga shembuj dhe sjellje te njejta policore, si dhe heshtja pasuese e Drejtorit te Pergjithshem te Policise se Shtetit, zoti Ardi Veliu te lene shijen e nje sjelljeje dhe shperfilljeje institucionale ndaj se drejtes dhe lirise per raportim nga gazetaret ne vendin tone. Kjo bie ndesh me ligjet e vendit dhe lirine themelore te ushtrimit te detyres.
Zyra e Shtypit
Unioni i Gazetareve Shqiptare
P.S: Ne foto kolege te RTV Ora dhe Ora News ne pritje te daljes se kolegut nga ndalimi ne Komisariatin nr 2 ne Tirane gjate mbremjes.