Ulian Barjami sqaron se Mario Meshini është shpallur fajtor për veprën penale “Moskallëzim të krimit”. Sipas tij kjo nuk parashikohet në dispozitat e ligjit të OFL-së. Ndërkohë, OFL njoftoi dje se për Meshinin gjykata ka caktuar masën “arrest me burg”, për veprën penale “Vrasja me paramendim”.
Ulian Barjami, avokati i Mario Meshinit sfidon OFL-në, (Operacionin Forca e Ligjit). Avokati Barjami për Newsalbania.al deklaron se klienti i tij, Mario Meshini nuk mund të jetë subjekt i OFL-së. Ai sqaron se Meshini është shpallur fajtor për veprën penale“Moskallëzim të krimit”, për vrasjen e Devi Kasmit, por kjo nuk parashikohet në dispozitat e ligjit të OFL-së. Kështu, sipas tij, Meshini nuk mund të jetë në “sitën” e OFL-së Ndërkohë për Newsalbania.al ai ka vënë në dizpozicion edhe përgjigjen që i ka kthyer OFL-së, ku sqarohet gjithë procedura ligjore.
“OFL-ja nuk njeh kufij, por merret edhe me veprat e moskallezimit te krimit. Me kete logjike, kushdo qe ka pasur nje proces gjyqesor, edhe per kundravajtje penale apo vepra te lehta penale, mund te jete subjekt i OFL-se. Pra, akti normativ nuk paska nevoje per dispozita. Cilesimi juridik i vepres penale eshte ndryshuar nga prokuroria dhe eshte miratuar nga gjykata. “, shprehet ndër të tjera ai.
