200 pasagjerë që po fluturonin nga ishulli grek Zakynthos drejt Wales, janë vendosur në karantinë për 14 ditë.
Mediat e huaja bëjnë me dije se pasagjerë që ndodheshin në kompaninë ajrore TUI janë vendosur të gjithë në karantinë pasi nuk kanë respektuar masat për parandalimin e përhapjes së koronavirusit.
Një nga pasagjerët është shprehur se aeroplani ishte i mbushur plotë “Covid-idiotë”. Persona që nuk i ndjekin rregullat si mbajtja e maskës etj.
Zyrtarët shëndetësorë thanë se shtatë pasagjerë dyshohen se janë të infektuar dhe pritet përgjigjia e testit.
