Nga Arbër DALMATI –
Raporti i ekipit të audituesve të Kontrollit të Lartë të Shtetit, pjesë të gjetjeve të të cilit “Arberia neës” i ka publikuar në ditët e shkuara, ndërsa flet për dhenien e një apo dy gradave njëherësh, në kundërshtim me atë çfarë përcaktonte ligji, thekson si të përfshirë në këtë akt edhe gjykatat.
Dje “Arberia Neës” publikoi listën me 16 persona, punonjës të lartë të Policisë së Shtetit, të cilët me firëm të ish drejtorit Haki Çako, kishin përvetësuar grada të larta për të përligjur funksionin që ushtronin dhe që binte në kundërshtim me gradat e ulta që mbanin. Arsye kjo që kishte nxitur kapërcimin e shkallëve të gradimit në kundërshtim me ligjin. Në listën me 16 të tillë 4 kishin marrë dy grada njëherësh, ndërkohë që në vlerësim të këtij veprimi audituesit shpreheshin në raport: “Punonjësit e Policisë, të cilët janë ngritur në funksion (e në vijim kanë marrë gradë më të lartë), por që nuk kanë plotësuar kriteret (vjetërsinë)”.
Lista e dytë e qenë prezente në faqen 113 të raportit të KLSH-së është shumë më e gjatë. Ajo përfshin 23 punonjës të Policisë të cilët janë graduar me nga dy e tre grada njeherësh, me vendim të gjykatave.
“Punonjësit e Policisë të cilët kanë marrë dy grada njëherësh, kurse në një rast tre grada njëherësh me vendim të gjykatave”, shkruajnë në raportin përfundimtar 5 audituesit e KLSH.
Poshtë listës së mëposhtëme, me 23 përfitues, nën emërtesën “Shënim” lexohet:” Kjo listë tregon se titullari i DPPSH i ka emëruar punonjësit në funksione të cilat kërkonin që ata ti zotëronin, të kishin marrë më parë dy deri në tre grada, e mbi këtë bazë të vinte emërimi në funksion. Gjithsesi ngritja duhej të bëhej vetëm me një gradë, atë pasardhëse”.
Kujtojmë se periudha e kontrollit lidhet me qënien drejtor i Përgjithshëm i Policisë së Shtetit të Haki Çakos. Ndërkohë sqarojmë se gradimi dhe funksionet që mbanin të graduarit para kohë do të thoshte paga më të larta dhe benifice të tjera. (vijon).. DdVm
