Tërbohet matura shtetërore/ Vajza e Niko Peleshit pa dashje zbulon “sekretin”

-Situata e krijuar për shkak të COVID-19, ka ndryshuar jetën tonë të përditshme, por edhe disa rituale siç është mbrëmja e maturës. Për shkak se rreziku nga infektimi është i madh, autoritetet vendosën që këtë vit të mos zhvillohej mbrëmja e maturës. Shumë maturantë janë të mërzitur nga ky fakt, pasi mbrëmja e maturës është një nga momentet më të veçanta për ta të cilin mezi e presin, që shënon edhe mbarimin e një cikli.
Mirëpo ka edhe nga ata që pavarësisht rrethanave kanë mundur që ta festojnë mbrëmjen e maturës. I tillë është rasti i vajzës së ish-zv/kryeministrit Niko Peleshi, e cila nuk ka ngurruar që pamjet t’i ndajë me miqtë e saj në rrjetet sociale. Aleksia Peleshi e ka festuar me miqtë e saj brenda një ambienti të mbyllur, në kohën kur do të duhet që këto aktivitete të mos mbaheshin, në respektim të aktit normativ të vendosur nga qeveria. DdVm