Flasin të mbijetuarit nga Covid-19: Po vuajmë simptoma të tmerrshme pas shërimit.
Ish-pacientët e Coronavirus thonë se po vuajnë nga simptoma të tmerrshme edhe muaj pasi kanë mposhtur sëmundjen vdekjeprurëse.
Samantha Demmler doli positive nga Covid-19 pasi u rikthye në Melburn ga Shtetet e Bashkuara me një dhimbje të lehtë fyti më 20 mars të këtij viti.
“Nuk ma merrte kurrë mendja që nga një dhimbje e lehtë fyti të kisha këtë sëmundje që ka bërë tërë botën të ndalojë,” thotë ajo.
“Jam person optimist por fillova të panikosem. Mendja filloi të mendonte të gjithë skenarët e mundshëm se çfarë mund të më ndodhte,” tregon ajo.
Muzikantja 27-vjeçare u deklarua e shëruar nga autoritetet më 29 mars, por tani, 4 muaj më vonë ajo thotë se ende po lufton me pasojat që i ka lënë sëmundja.
“Që kur u shërova kam pasur dhimbje fyti të shpeshta, madje nuk kam nuhatje e herë herë më humb kujtesa,” rrëfen e reja.
