Ashtu siç kishte premtuar, Tayna ka publikuar ditën e sotme këngën më të fundit të saj, të titulluar “Bass”. Me një klip plot ngjyra dhe me një stil krejtësisht të veçantë, Tayna premton se kënga do të kthehet në një hit.
Ky është projekti i parë muzikor i reperes pas nënshkrimit të kontratës me Sony Music dhe që mban logon e tyre. Ishte vetë Tayna, e cila pak ditë më parë njoftoi se ka nënshkruar me shtëpinë e famshme diskografike.
“Jam shumë e lumtur që kam pranuar të punoj me Sony Music. Pas diskutimeve intensive, ne kemi vendosur që së bashku të bëjmë hapin tjetër të madh. Kështu që unë do të vazhdoj të zhvillohem artistikisht dhe të përqendrohem plotësisht në muzikë”, shkroi reperja në Instagram.
Tayna i bashkohet kështu yjeve botërorë që kanë firmosur me këtë kompani, dhe ky është një hap tjetër për reperen nga Kosova drejt suksesit ndërkombëtar.
