SPAK të hetojë, çfarë “punësh” ka bërë deputeti Vullnet Sinaj si emigrant në 3 zona të Italisë e përse është përzenë 3 herë
Nuk deklaron “punët” e 15 viteve në Shqipëri/ Babloku i “rilindjes” ia ka fshehur të kaluarën në Itali, si shpërblim për financimin e fushatës e partisë, me milionat e zeza që nxjerr nga ushqimet kancergjene në 140 dyqanet “Big Market”. Kuvendi dhe KQZ nuk e kanë detyruar t’i deklarojë në formularin e dekriminalizimit e në “CV” zyrtare; ndërsa drejtësa ka detyrim t’i kërkojë informacione Kuvendit, pastaj deputetit që nuk deklaron punët jashtë Shqipërisë e në rast refuzimi, duhet të fillojë procedurat ligjore, siç veproi me Roshin, Pjetrin e Kajmakun
Me indicie faktin, se deputeti Vullnet R. Sinaj, nuk ka deklaruar asnjë të dhënë për 10 vite aktivitet në Shqipëri e Itali; SPAK ka detyrimin ligjor, që në bashkëveprim me Prokurorinë e Përgjithshme (Seksioni dekriminalizmit), duhet të fillojë hetimin se me çfarë punësh është marrë ky deputet-tregtar në këto vite.
Patjetër që deputeti-tregtar, i fsheh diçka votuesit e për më tepër drejtësisë; gjersa nuk deklaron asnjë qendër pune, zonë banimi në Shqipëri e asnjë qendër pune, banimi dhe vite, muaj e data konkrete; siç e detyron ligji, për “CV”-të zyrtare të Kuvendit dhe formularin e dekriminalizimit.
Kjo fshehje, krijon dyshime të arsyeshme, mbasi nuk është “harresë” e deputetit Vullnet R. Sinaj, as neglizhencë e KQZ, kryesisë së PS apo Kuvendit; por është mos-deklarim i qëllimshëm i “punëve dhe aktivitetit”, që deputeti i “Big Market” ka bërë para, gjatë dhe pas emigracionit.
Ja çfarë të dhënash duhet të verifikojë SPAK, për profilin “hije” të deputetit Vullnet R. Sinaj (sipas ligjit të dekriminalizimit)
– SPAK, duhet të verifikojë “letrat” e aktivitetit të deputetit Sinaj, gjatë viteve 1991-1993 në Shqipëri, të cilat nuk i ka deklaruar fare, paçka se Ligji Nr. 138/2015, datë 17.12.2015 e detyron të deklarojë çdo qendër pune e banimi, qysh nga dita e parë e punës që ka bërë e deri ditën që kandidoi për deputet.
– Duhet të verifikojë, punët dhe aktivitetin që ka bërë gjatë viteve 1993-1996, si emigrant në zonën Zagarolo (R-M Itali); mbasi në kundërshtim me ligjin, nuk specifikon datën e nisjes së emigracionit, llojin e punës, datat, muajt dhe adresën e plotë të banimit.
– Duhet të verifikojë, se përse e kanë përzënë në vitin 1996 nga zona Zagarolo (R-M Itali); dhe në çfarë date, muaji e për çfarë motivi e çfarë punësh ka bërë deri në vitin 2000, kur ka ikur përsëri.
– Duhet të verifikojë, punët dhe aktivitetin që ka bërë gjatë vitit 2000, si emigrant në zonën Trebisaçe-Itali, mbasi në kundërshtim me ligjin, nuk specifikon mënyrën e ri-hyrjes në Itali, datën dhe muajin e ri-shkuarjes emigrant, llojin e punës dhe adresën e plotë të banimit.
– Duhet të verifikojë, se përse e kanë përzënë në vitin 2000 nga zona Trebisaçe-Itali, në çfarë date, muaji e për çfarë motivi; dhe çfarë punësh ka bërë deri në vitin 2003, kur ka ikur përsëri.
– Duhet të verifikojë, punët që ka bërë gjatë vitit 2003 si emigrant në zonën Battipaglia (SA-Itali); mbasi në kundërshtim me ligjin, nuk specifikon mënyrën e ri-hyrjes në Itali, datën dhe muajin llojin e punës dhe adresën e plotë të banimit, por vetëm (Via Dei Fiori).
– Duhet të verifikojë, se për çfarë motivi ka ikur brenda vitit 2003 nga zona Battipaglia-Itali, pas sa muajsh qëndrim dhe në çfarë date e muaji është rikthyer në Shqipëri.
– Duhet të verifikojë dhe faktin, se nga viti 2003 kur është kthyer nga Italia e deri në vitin 2010, deputeti Sinaj, nuk ka deklaruar se në cilën zonë të Shqipërisë ka jetuar e çfarë pune ka bërë.
Paçka se mandati i tij, përfundon pas 25 prillit kur të konstituohet parlamenti i ri, SPAK duhet ta hetojë aktivitetin hije të deputetit Sinaj, mbasi ashtu si më 2017, nuk është çudi që mund ta blejë përsëri një vend-kandidati në listën fituese të Bablokut./Pamfleti
