Skeda e pasurisë e nxori të pastrehë/ Spiropali i “qetëson” të gjithë: Kam një apartament
Ministrja për Marrëdhëniet me Parlamentin Elisa Spiropali thotë se ka në pronësi një apartament. Kujtojmë se pak ditë më parë sipas një analize të bërë nga BIRN Spiropali dhe bashkëshorti i saj nuk kanë deklaruar asnjë banesë në pronësi apo në përdorim, pra me këtë logjikë ministrja është e pastrehë. Por, Spiropali ka vendosur të flasë mbremjen e sotme në lidhje me publikimin e skedës së pasurisë së saj, ku është shprehur se i ka deklaruar të gjitha gjërat në pronësi të saj dhe i ka të gjitha brenda ligjit.
Më konkretisht, ajo është shprehur se:
Më kishin nxjerrë deklaratën se nuk kisha shtëpi. E ka deklaruar bashkëshorti im që në 2012. Mos u shqetësoni. Kam apartamant kam. Kam deklaruar cash-in që në 2013. Të jeni të sigurtë që kontrollohemi çdo 6 muaj. Kemi kontrolle periodike. I kam të gjitha brenda ligjit. Është deklaruar në 2013 dhe ishin kursime të shumë viteve.