Një qytetar shqiptar i infektuar me koronavirus ka udhëtuar me autobuzin e linjës Tiranë-Kakavijë, duke rrezikuar të infektojë edhe bashkëudhëtarët e tjerë.
Ky person ka rezultuar pozitiv në testin që ka bërë në një laboratot privat të licensuar nga Ministria e Shëndetësisë, por laboratori nuk e ka njoftuar ministrinë sipas protokollit që të merreshin masa për të prekurin nga koronavirusi.
Për çudi as policia e palës shqiptare në pikën Kufitare të Kakavijës nuk e kanë ndaluar, por ai është kapur nga pala greke, të cilët e kanë nisur me ambulancë drejt spitalit.
Tashmë personat që kanë qenë në një autobus me të infektuarin do të duhet të kryejnë tamponin, për t’u siguruar që nuk ajnë të infektuar.
