Ambasada shqiptare në Greqi ka vendosur që të rrisë sërish çmimin e pasaportës për emigrantët tanë që punojnë dhe jetojnë në tokën greke.
Ka qenë gazetari Shpëtim Zinxhiria i cili ka bërë denoncimin në rrjete sociale.
Ai shkruan se Ambasada detyron emigrantët që të paguajnë edhe 6.8 euro shtesë në bankat greke me arsyetimin se pasaporta ju shkon në shtëpi, ndërkohë që për të aplikuar dhe marrë një kartë identiteti këtë veprim mund ta bësh në ambassadë.
Aktualisht marrja e pasaportës shqiptare në Greqi kushton 148.8 euro.
Postimi i Zinxhirisë:
Ç’mënduria alla-shqiptarçe : Rritet tarifa e pasaportës në 148,8 euro..!
O shtet ku je…Edhe 6.8 euro të tjera në kurriz të emigrantëve shqiptarë. Kjo është një vjedhje moderne, akoma nuk u ngopët nga mundi dhe gjaku i emigrantëve…?
Kjo është çmënduria e radhës që u bëhet emigrantëve tanë në Greqi, një çmënduri që vetëm një emër ka, zhvatje apo vjedhje në mes të ditës.
Pak kohë më parë emigrantët shqiptarë paguanin 142 euro për pasaportën dhe kartën e identitetit, por ambasada i detyronte emigrantët që ti derdhnin parat e rinovimit në bankat greke kundrejt një pagesë prej 2.5 euro.
Sot vazhdon çmënduria e radhës po këta radhë me një tarifë plus prej 6.8 euro në kuriz po të emigrantëve me justifikimin se pasaporta di ju vejë në shtëpi, por…
Sikur të mos mjaftojë kjo çmënduria tjetër është se pasaporta nuk u vjen në shtëpi emigrantëve sëbashku me kartën e identitetit edhe pse këta kanë paguar tarifën plus 6.8 euro pa u pyetur fare.
Kartën e identitetit duhet të shkojnë e ta marrin në ambasadë, pra ka vend për të marrë kartën por jo pasaportën.
Gjithashtu theksohet se vetem një e treta e godinës së ambasadës shfrytëzohet, por janë zhvatesit apo banditë që nuk lejojnë menaxhimin sa me te mirë të kësaj situate.
Megjithatë remigrantët edhe kete radhe duhet të fusin gjithnjë e më thellë dorën në xhepin e tyre përball këtij korrupsioni të paparë më parë…
Më e keqja eshte se heshtin shoqatat heshtin strukturat politike heshtin te gjithe… D.D.V.M
