I prekur me Covid dhe prej 4 ditësh në spital, mjeku personal tregon gjendjen e Silvio Berluskonit.
Silvio Berluskoni u konfirmua pozitiv me koronavirus katër ditë më parë, dhe menjëherë pasi gjendja e tij u përkeqësua, u dërgua me urgjencë në spital.
Mjeku i tij personal Alberto Zangrillo tha se shëndeti i ish-kryeministrit italian po përmirësohet dhe se sistemi i tij imunitar tashmë është më i fortë.
Ai tha se Berlusconi do të duhet të qëndrojë ende në spital, ndoshta deri në fund të javës.
Përveç ish-kryeministrit, edhe vajza e tij Marina gjithashtu doli pozitive sot. Sidoqoftë, ajo është asimptomatike dhe megjithëse në izolim, vazhdon punën e saj.
“Pamja e përgjithshme klinike” e Silvio Berlusconi, e pranuar në spitalin San Raffaele në Milano për koronavirus, “duket se po përmirësohet dhe është në përputhje me provat hematokimike dhe rifillimin e një përgjigje të fortë imune specifike, të shoqëruar me një reduktim të indekseve të inflamacionit,”.
