Shtetet e Bashkuara të Amerikës kanë vendosur të sanksionojnë dhe të fusin në listën e zezë biznesmenin dhe ish deputetin Aqif Rakipin, duke e akuzuar për përfshirje në krim të organizuar dhe korrupsion.
Aqif Rakipi ka qenë ish deputet i PDIU, partia që përfaqësonte intetesat e çamëve. Kryetar i partisë ishte ish doganieri, Shpëtim Idrizi, por në fakt partia ishin Aqif Rakipi dhe Ymer Lala.
Në momentin kur Rakipi dhe Lala u afruan me Ramën, Idrizit i mbeti vetëm zyra e partisë, të cilën e çonte sipas intetesave sa tek prehri i Berishës, Metës dhe Ramës.
Vite më parë, Shpëtim Idrizi u fsheh dhe u ngujua mbi 6 muaj nga frika se mund ta rrihte Aqif Rakipi.
Idrizi gati sa nuk humbi mandatin e deputetit, duke u fshehur nga frika e Rakipit, i cili ishte shumë i revoltuar dhe nuk tërhiqej pavarësisht ndërhyrjeve për t’i pajtuar.
Rakipi ishte tërbuar me Idrizin pasi gazetari Blendi Fevziu publikoi disa regjistrime në prapaskenë të emisionit Opinion, ku Idrizi shfaqej duke u tallur me Aqif Rakipin.
Në konfidencë, Idrizi thoshte: “Vura profesorin në listë, nuk mori asnjë votë. Vura Qifen, mori mandatin. Nuk e njihni Qifen ju? Qifja është i madh. Qifja…’, thote Idrizi duke u tallur me Aqif Rakipin dhe treguar njëfarë autoriteti të tij si kryetar dhe intelektual mbi Rakipin.
Sapo Fevziu publikoi regjistrimin, Aqif Rakipi nisi të këekonte Idrizin. Pas shumë ndërhyrjesh të miqve të përbashkët, Rakipi dha garanci që Idrizi të dilte nga ngujimi.
Më vonë, miq të përbashkët ndërmjetësuan një takim mes Rakipit dhe Idrizit, në vitin 2018. Takimi ishte i tensionuar.
