Shoqërohet gazetari Sami Curri në Komisariatin e Policisë së Bulqizës
Gazetari Sami Curri është shoqëruar prej orës 18 e 20 në Komisariatin e Policisë Bulqizë pas mbylljes së protestës kundër rritjes së çmimit të naftës të zhvilluar në rrugën e Arbrit mes dy lagjeve të Bulqizës.
Policia nuk ka dhënë asnjë shpjegim në lidhje me shoqërimin e gazetarit Curri, i cili punon për rrjetin BIRN dhe administron portalin Bulqiza Ime.
UGSH Qarku Dibër po ndjek nga afër këtë çështje dhe ndodhet pranë kolegut Sami Curri si dhe kërkon reagimin e Policisë së Shtetit për të lënë të lirë gazetarin në fjalë.