Shkoi për t’u kuruar në QSUT,infektohet dhe vdes 69-vjeçari/ rëndohet bilanci,4 ndërrojnë jetë në 24 orë

Rëndohet bilanci nga COVID-i në Shqipëri. Një 69-vjeçar nga Kruja i shtruar te Infektivi ndërroi jetë duke e çuar në 42 numrin e viktimave në total nga fillimi i pandemisë, teksa 4 humbën betejën me sëmundjen vetëm në 24 orët e fundit, 3 dje dhe një sot. Pacienti që ndërroi jetë sot është një 69 vjeçar nga Kruja me leukozë akute, i prekur nga Covid19. Pacienti nga Kruja që ndërroi jetë te Infektivi ka qenë me profesion noter dhe u infektua në QSUT ku shkoi për t’u kuruar nga leucemia akute. Ministria e Shëndetësisë thotë se pavarësisht mjekimit intensiv prej 10 ditësh dhe përpjekjeve të stafit mjekësor, nuk arriti të mbijetojë. 
Ndërkohë që në 24 orët e fundit ka rritje të të shtruarve në spitalin infektiv. Aktualisht po marrin shërbim 64 pacientë, 7 prej tyre janë në terapi intensive ndërsa 1 është i intubuar. Në vendin tonë janë aktualisht 682 persona aktivë me COVID19, kryesisht në Tiranë, Shkodër, Krujë. DdVm