Edi Rama ka lëshuar më në fund drejtorin e OSHEE, Ardian Çelën, i lakuar dhe perceptuar si një nga kokat më epike të korrupsionit në Shqipëri, i njohur edhe si krahu i djathtë i Damian Gjiknurit.
Çela është shkarkuar nga detyra verbalisht ditën e djeshme, ndërsa sot ka përgatitur dorëheqjen, siç ndodh zakonisht, për të kamufluar formën e largimit.
Prapaskena mëson se Rama ka vendosur të largojë ‘pitonin e aferave’ nga drejtimi i OSHEE për shkak të disa hetimeve nga SPAK për korrupsion dhe shpërdorim detyre, hetime të cilat mund të përlajnë Çelën.
Por Çelës i është thënë se do të emërohet në një detyrë tjetër dhe se largimi i tij i OSHEE do të shërbejë për t’i dhënë fund një konflikti të vazhdueshëm në atë institucion, që ka kulmuar me rrahjen e vetë Çelës në parkingun e një qendre tregtare në Tiranë, por edhe me prag përplasje me armë mes dy grupeve në OSHEE për pazare.
Me këtë lëvizje, Edi Rama ka dorëzuar nê duart e Altin Dumanit një nga ‘peshqit e mëdhej’ të vjedhjes së fondeve publike.
Ardian Çela u emërua në dhjetor 2014 dministratori OSHEE. Kur u emërua ishte nën hetim nga Prokuroria e Durrësit për afera me tendera si kryetar i komisionit të tenderave në Bashkinë Durrës, ku kryetar ishte Vangjush Dako, i shpallur non grata nga SHBA-të si i korruptuar.
Çela u shkarkuar si administrator i OSHEE pas marrëveshjes Rama-Basha së 17 majit 2017, ndërsa u emërua sërish një muaj më pas.
Ardian Çela është lakuar për vjedhje të llahtarshme me tendera. Çela besohet se ka vjedhur dhjetëra miliona euro, para të cilat mund t’i ketë çuar në parajsa fiskale, por edhe mund t’i ketë investuar në pasuri të palujtshme, në emër të të afërmve të tij.
