Katër persona kanë përfunduar në pranga si pjesë e një organizate kriminale përgjegjëse për trafikun e drogës dhe disa vepra të tjera penale.
E gjitha filloi natën e 27 prillit, gjatë bllokimit të vendosur për shkak të pandemisë, pas një “feste” të bazuar në alkool dhe drogë të organizuar në një apartament në një rrugë në qendër të qytetit.
Atë natë, një 30-vjeçar i varur nga droga përfundoi i sëmurë rëndë, duke mos qenë në gjendje të merrte frymë ndërsa kishte rrjedhur gjaku nga goja dhe hundët.
Në vend që të thërrisnin për ndihmë, pronari i shtëpisë – figurë kryesore gjatë hetimit, urdhëroi dy persona të nxirrnin në rrugë dhe ta braktisnin siç shihet në foto, duke e hedhur si një “thes me patate”, siç thekson prokurori. Për fat të mirë, 30-vjeçari ishte vërejtur nga një mbledhës i mbeturinave i cili lajmëroi urgjencën.
Imazhet e kamerave të sigurisë i lejuan policisë të identifikojnë katër autorët dhe fillojë veprimtarinë hetimore.
Për pasojë, përfunduan në burgu një 61 vjeçar dhe një 47 vjeçar nga Terni, si dhe një maroken. Pjesë e bandës ishte edhe një 28 vjeçar shqiptar. Dy persona të tjerë janë arrestuar më herët.
Karabinierët kanë përshkruar jo vetëm sjelljen individuale të grupit që organizonte festa droge, por edhe përfshirjen e tyre në të ashtuquajtura “ilaçe përdhunimi” e njohur si GHB, ku përdoruesit kishin performancë më të madhe.
Hetuesit kanë gjetur furnizime të shumta droge: 365 gram kokainë dhe 500 ml GHB. Qarkullimi ishte rreth 40,000 €, pastrim parash, të ardhura nga biznesi i drogës, ndërsa janë sekuestruar edhe rreth 25,000 €, para, në një llogari rrjedhëse të huaj të hapur në Malaga në Spanjë (ku lindi artisti i famshëm Pablo Picasso dhe kështu mori emrin edhe operacioni). Marokeni harxhoi 1000 euro në ditë për të blerë drogë.