Kryetari i Partisë Demokratike, Sali Berisha ka folur sërish sot në lidhje me aferën e ish-zyrtarit të FBI, Charles McGonigal.
Lideri i PD deklaroi se kryeministri Edi Rama prej 48 orësh është larguar nga vendi. Sipas tij nuk dihet nëse ka shkuar jashtë për të kërkuar ndihmë tek padroni, George Soros.
Mes të tjerash Berisha i bën thirrje FBI dhe Kongresit të SHBA, të hetojnë se cilat janë pikat që bashkuan Edi Ramën dhe McGonigal.
Berisha: Me fuqinë më të madhe politike dhe qytetare për largimin me urgjencë nga skena politike de facto kryeministrit më të korruptuar të planetit. I cili ia ka mbathur, është zhdukur prej 48 orëve, ka fluturuar me Ismailin apo jo, për këtë nuk kemi asnjë lajm.
A është nisur te padroni i tij Geroge Soros për të kërkuar ndihmë. Sepse në kodin e mafies lajmet nuk pipëtijnë. Ajo që ka revoltuar në shkallë ekstreme qytetarët shqiptarë është fakti se Edi Rama ka arritur me fuqinë e tij korruptive të shndërrojë në mburojë, korrupsionin ndërkombëtar për pushtetin e tij të korruptuar.
Unë kam denoncuar para jush këtë fenomen ndër më të rrezikshmit, këtë pasojë, këtë fenomen që arrin në formën më kulmore në rastin e regjimit të Edi Ramës. Paguhet njeriu më i besuar i FBI-së për të sulmuar, për të marrë veprime dhe akte kundër opozitës demokratike të një vendi me qëllimin e marrjes peng të kreut të saj. Kur një akt i tillë kryhet nga zyrtarë të tij të krimit më të shëmtuar. Nuk veprojnë kurrë në këtë mënyrë në këtë mënyrë ndaj një vendi të lirë.