Jeta nuk është vetëm politikë, krim, korrupsion dhe tani së fundmi pandemi. Nuk është as fushë me lule dhe parada gazetarësh me mikrofona në duar.
Natyrisht edhe këto duhen me masë e kandar, se janë një stimul për të punuar më shumë. Por kjo e uruar jetë në qytetin tim të vë përpara edhe faktorë të tjerë objektivë. Duke mos lavdëruar dhe pa kritikuar askënd nga drejtuesit e mëparshëm dhe aktual të qytetit tim, po ju tregojë përciptazi vëndin ku kam jetuar dhe jetojë aktualisht.
Ja për cilët faktorë objektivë kokëfortë e kisha fjalën pak më sipër. Hapësira e vëndbanimit tim, e para disa viteve dhe sot. Dy pamje diametralisht të kundërta. Pa u ”krehur bishtin këtyre që kanë bërë namin” dhe jashtë politikës, u pyes: a duhej bërë ky pastrim territori me ”fshesë hekuri”, apo meqë e bën dikush i papëlqyer nga disa prej nesh, duhej lënë një varrezë e përhershme plehrash në mes të qytetit? Jo dhe jo! Vëndi ku vërtisë e rrotullojë jetën time meriton krahasimin: ”Si nata me ditën”. Mos vallë gjithçka shkëlqen këtu? Jo dhe jo! Ka nevojë për përmirësime të mëtejshme të efekteve sociale, punimeve më cilësore, mjedisit, gjelbërimit…
