Moti i rënduar dhe reshjet e shumta të shiut që kanë përfshirë vendin gjatë natës së mbrëmshme kanë shkaktuar dhe rritje të nivelit të ujit në lumenj. Mësohet se niveli në Lumin e Vjosës ka arritur në 8 metra, ndaj si pasojë situata është përkeqësuar. Burimet njoftojnë se prurjet e shumta gjatë mesnatës kanë sjellë çarjen e digës në Urën e Mifolit duke depërtuar në pjesën e poshtme.
Ditën e djeshme lumi Vjosa doli nga shtrati si pasojë e prurjeve intensive, duke përmbytur rreth 10 hektarë tokë në fshatin Xhuhërinë. Raporti i Emergjencave Civile ka raportuar se didrovoret në vend po punojnë me kapacitet të plotë për të ruajtur nivelin mesatar të kuotave, ndërsa rezervuarët janë nën monitorim.
Reshjet e shumta gjatë natës kanë sjellë përkeqësimin e situatës në Lumin Vjosa duke sjellë përmbytje në disa banesa dhe izolim të disa zonave, si pasojë e dëmtimit të urave. Mësohet se edhe ura e Mesaplikut është dëmtuar duke sjellë izolimin e 300 banorëve të kësaj zone. Raportohet se gjatë natës shumë banorë të cilët nuk kanë mundur të kthehen në shtëpi për shkak të urës së pakalueshme janë detyruar të kalojnë natë në automjetet e tyre.
Situata në Lumin e Vjosës është përkeqësuar duke sjellë dëmtime në disa zona, ku një ndër to është edhe Ura e Milofit. Lidhur me këtë situatë problematike që paraqitet në Lumin e Vjosës ka reaguar prefekti Flamur Mamaj, i cili theksoi se situata është në një gjendje kritike, pasi edhe pse reshjet kanë ndaluar niveli i ujit në Milof vijon të jetë në nivel shqetësues.