Rikthehet në Mallakastër komisari i hekurt, Alfred Taçi
Prej vitesh komisariati i Mallakastrës e kishte humbur “shijen” e mirë të një drejtuesi policie. Madje në një periudhë jo të shkurtër ky komisariat ngjante inegzistent. Dhe pse për numër banorësh në këtë njësi vendore shërbimi policor duhej të ishte me të tjera standarte çuditërisht ishte lënë pas krahëve për arsye që vështirë ti numërojmë! Çudia tjetër ndodhi jo më larg se dy muaj më parë! Largohet nga drejtimi pikërisht komisar Alfred Taçi i cili pak muaj kishte në këtë detyrë shtetërore! Ai i vuri “emër” punës duke bërë disa goditje të elementëve me precedentë kriminal! Ra në sy për mirë në komunitetin e shëndoshë mallakastriot kjo sjellje dhe kjo perfomancë e re në këtë komisariat dhe pse me një organikogram disi të kufizuar! Por çudia ndodhi! Nuk dihet se si rrodhën “gojët” në koridoret e ministrisë dhe komisari i cilësuar nga komuniteti i ” hekurt” largohet nga kjo detyrë përkohësisht! Çudia që nuk mund të quhet në plotëkuptimin e fjalës çudi ndodhi! Komisar Taçi rikthehet në krye të komisariatit të Mallakastrës. Ai rikthehet pikërisht në kohën dhe vendin e duhur! Ai kthehet aty ku punët i kishte jo rrugëve,por në drejtimin e duhur! Komisar Taçi nuk të fal na thonë shumë banorë në këtë krahinë. Një 70- vjeçar i tha newsalbania.al se komisari është djalë i punës dhe ai nuk njeh as socialist, as demokrat! Ai zbaton vetëm ligjin. Të tjerë banorë në fshatin Arsnitas na thonë për komisar Taçin se është shumë miqësor dhe i komunikueshëm!
