Italia shënoi 1.733 raste të reja me koronavirus, rritja më e lartë ditore që prej 2 majit dhe 11 vdekje, më 4 shtator.
Rajoni i Venetos, i cili ishte më i godituri nga virusi, regjistroi të premten edhe numrin më të lartë të rasteve të reja me 373 të infektuar.
Qendra e shpërthimit ishte një fabrikë mishi në Treviso dhe njerëzit që janë kthyer nga zonat me rrezik të lartë.
Më shumë se 113.000 teste për të dyshuarit me koronavirus u kryen brenda 24 orëve të fundit ndërkohë që një ditë më parë u kryen vetëm 21.000.
Edhe shtrimet në spital u rritën në javët e fundit duke bërë që 1.607 persona të marrin trajtim mjekësor 121 prej të cilëve ndodhen në terapi intensive./ newsalbania.al
