Prej muajsh në 8 njësi kadatrale po punohet për të bërë regjistrimin fillestar të pronave, një proces i cili ka nisur dy herë dhe është lënë në mes, duke mbajtur peng për 3 dekada zhvillimin e zonës turistike, ka deklaruar kreu i Agjencisë së Kadastrës Artan Lame
Janë hapur 3 zyra, në Himarë, Dhërmi dhe Lukovë. Të gjithë ata që pretendojnë se kanë tokë ose shtëpi në pjesën e bashkisë së Himarës duhet të çojnë dokumentet për të regjistruar pronën e tyre. Kadastra do të regjistrojë vendime gjykatash, prona të ndara me ligjin 7501, prona me certifikatë por që nuk janë hedhur në sistem, ndërsa aktualisht specialistët e Kadastrës po bëjnë matjet në terren.Kadastra nuk do të regjistrojë prona të kontestuara apo vendime që datojnë në periudhën e mbretit Zog. Pas dorëzimit të dokumenteve, harta e re me pronat e secilit do të publikohet për 3 muaj në zyrat vendore për të marrë ankesat e pronarëve dhe procesi për regjistrimin e 8 zonave në bregdet pritet të përfundojë në fund të vitit, por kjo nuk do të përjashtojë mundësinë për regjistrim të pronarëve që do të vijnë më vonë për certifikimin e pronës.
Burimi: Tv Klan
