Nga Ministria e Mbrojtjes bëjnë me dije se baza e Pashalimanit po vlerësohet nga NATO për t’u bërë bazë e mundshme e Aleancës siç ndodhi me bazën e Kuçovës. Në tetor të vitit të shkuar Ministrja Olta Xhaçka i është drejtuar përmes një letre zyrtare komandantit të Komandës Supreme për Europën, gjeneralit amerikan Tod D. Wolters, duke i parashtruar planin e qeverisë shqiptare për modernizimin e bazës detare të Pashalimanit, me qëllim përdorimin e saj nga NATO.
Pozicioni gjeografik dhe avantazhi që ofron baza e Pashalimanit, mund ta bëjnë atë bazën e vetme në Ballkan që do i përgjigjej sfidave të sigurisë së NATO-s.
D.D
