Kryeministri Rama ka reaguar sot lidhur me marrëveshjen e arritur mes palëve më 5 qershor për reformën zgjedhore. Ndërsa pritej që marrëveshja të votohej në kuvend, deklarata e Ramës një ditë më parë për hapjen e listave ka çuar në regaimin e opozitës që e cilësoi të prishur këtë marrëveshje.
“Një këshillë miqësore për Lulzim Bashën e kolegët opozitarë jashtë Kuvendit: Lërini sharjet e kërcënimet ju lutem e mos thoni u prish marrëveshja, se ajo marrëveshje u bë me ju e për ju, jo për ne! Ne s’donim e s’duam administratë zgjedhore partiake, prandaj mos na provokoni se s’ua kemi borxh as ne, as populli jo e jo,pasi morët gjithçka deshët! Peng Kuvendin e zgjedhësit,të cilëve do t’u japim mundësinë të votojnë për deputetin e jo vetëm për partinë,nuk i merrni dot! Po mos na nxisni kundër asaj marrëveshjeje që e bëmë për ju po na lini ta votojmë” shkruan Rama ne tuiter.
