Kryeministri Edi Rama duket se nuk ka arritur të përmbahet më ndaj kryebashkiakut të Vlorës Dritan Leli, duke e bërë atë shembull përpara strukturave të Vlorës për shkak të performancës së tij dhe aneksave e protestave të vazhdueshme të qytetarëve por edhe biznesit. Sipas burimeve nga Brenda takimit, kryeministri ka goditur me grusht disa herë tavolinën duke e hedhur në nerva e sipër. Kryeministri Rama kishte mbledhur gjithë drejtorët e PS Vlorë, si dhe kryetarin lokal. Ai ka pyetur secilin me radhë se çfarë mendon per Lelin, në oprezencë të kryebashkiakut, I cili ka dëgjuar ankesat ndaj tij.
Me tone tepër të ashpra kryeministri i ëshët drejtuar Lelit duke e akuzuar se i ka dëmtuar punën në vitet e fundit duke ulur edhe besimin tek qytetarët.
Edi Rama
Kryeministër
“Me nxive faqen në Vlorë, sondazhet më nxjerrin me 30%. Kam hedhur gjithë këto para në Vlorë dhe ti po më shkatërron gjithçka, të mora nga hiçi të bëra njeri”
Sipas po të njëjtave burime, kryeministri i ka sjell në vëmendje Dritan Lelit edhe një episod me ish-ministrin Damian Gjiknuri, I cili e ka paralajmëruar se nuk donte të shkonte për kandidim në Vlorë, pasi me Lelin do të ishte humbës. Ky takim mori spunto nga protesta e biznesmenëve dhe banorëve të Zvërnecit, të cilët bllokuan Bashkinë dy ditë më aprë, për shkak të ndërhyrjeve arbitrare të Bashkisë për ti prishur dhe për më tepër ata as u njoftuan por edhe nuk u pritëbn në Bashki teksa kishin shkuar për të kërkuar sqarim.
